قصتي مع أذى القرين.

السلام عليكم ورحمة الله وبركاته

انا عضوة جديده في المنتدى

قصتي مع أذى القرين وتجربتي في العلاج مع التفاصيل

انا صارلي اعاني من 10 سنوات وكل شي في حياتي يفشل بالاول لما تخرجت من الجامعه

جلست سنه ونص بالبيت ما احصل وظيفه بالرغم انه شهادتي من الخارج ومع مرتبه الشرف

بس كل ما احصل على وظيفه يصير شي وما يكملوا اجراءات التوظيف وما يأست لحد

ما حصلت وظيفه غير مناسبه بس قلت راح اكمل بس لحد اليوم وانا اواجهه مشاكل

من الصعيد المهني وخلال 10 سنوات انتقلت 8 جهات

كنت اعاني من انه ناس تجي تخطب بس بالنهايه ما تكتمل السالفه ويروح بدون سبب

او انه يشوفوني في زواجات ويتجننوا علي ويكلموا اهلي وبعدها ما يرجعوا لحد ما ربنا اكرمني

وتزوجت بطلوع الروح بعد ما رحت عند اكثر من شيخ عشان يقرا علي

في بدايه زواجي كانت الامور زينه والحمدالله بس بعد ما جبت بنتي صرت اكره زوجي جدا

وما اتحمل وجوده بالبيت وتحملت 4 سنين معاه وبعدها حملت بالطفل الثاني وتوفي الجنين

بعمر ال7 شهور في بطني وبعدها فجاه صرت مهوسه بطلب الطلاق مع العلم انه ابو بنتي

مافي شي يعيبه كنت اهدد بالانتحار اذا ما تطلقت وبعدها طلقني وبعد اشهر العده حسيت اني ندمانه

وحاولت اطلب منه نرجع وكان يرفض بحكم اني ذليته عشان يطلق

ومن وقتها وانا اموري في النازل صار لي 5 سنوات مطلقه لا ابو بنتي تزوج

ولا انا قادره اتزوج تاني كل ما يجيني شخص مناسب يختفي بعد شهر بالضبط

وكل مره احاول احسب الوقت واربط الموضوع ويكون فعلا شهر بالضبط ويأست

الى ابعد الحدود كنت احلم كوابيس كثيره ونومي جدا متقطع ودوم بروحي ما احب اجلس

مع احد منغلقه مع نفسي لا اطلع ولا عندي صديقات الكل هجرني لاني صرت ما اتعامل

مع احد حتى امي فكرتني مريضه نفسيه ، رحت عند شيوخ كثير، (ودفعت من المال الكثير)

وحتى اني سافرت والكل يقولي (البعض يقول ام الصبيان، والبعض الاخر يقول جني عاشق)

والنهايه يمكن 4 شيوخ قالولي جني عاشق ولكن صعب انه يطلع لانه وقت العلاج يخرج منك

لانتهاء العلاج ثم يرجع وبعدها قررت اني اعالج نفسي بنفسي بالقران وعملت بحث فى جوجل

وطلع لي (منتديات الرحمن) وقريت كل شي فيه وتفاصيل كل شي

(وشفت انه الاعراض الي انا فيها) مش جني عاشق انما اذى قرين من بدايه

عدم التوفيق في الزواج الى موت المولود الى الالم الكتف واسفل الظهر

والصداع الى الكوابيس الخ ...

فرحت كثيرا واشتريت الاغراض قبل ما اجهز أرسلت رسالة على الخاص بالمنتدى للدكتور علاء

وله جزيل الشكر ما قصر معاي وخبرني كل الخطوات الي المفروض اتبعها للعلاج

وطبعا انا بديت العلاج الخميس الماضى بتاريخ 3/4/2014 وحبيت اشارككم تجربتي لحد الحين

وشو الخطوات الي اتبعها بالاول جهزت كل شي مثل ما هو مكتوب في منتدى العلاج من اذى القرين

او تأديب وتهذيب القرين.

يوم الخميس بدات كالاتي

بعد صلاة الفجر

قرأة التحصينات وبعدها سورة طه 3 مرات لجلب الرزق وتيسير الزواج

(اذا تبي تتبعي هاي الخطوة تكون سورة طه كل يوم 3 مرات لمدة 7 ايام بس

لازم يكون كل يوم في نفس المكان ونفس الزمان)

بعد صلاة العصر

اغتسلت بماء السواك المقروء عليه الرقيه الشرعيه ومعه 3 قطرات من زيت السواك

المقروء عليه ايات تأديب وتهذيب القرين.

بعد صلاة المغرب

قرات التحصينات وبعدها بخرت نفسي وبخرت غرفتي والبيت بالسواك الجاف

مع حبتين من ذكر اللبان و 3 حبات كزبرة.

الساعه 10 مساءا

وضعت الزيت في كل بقعه من جسمي وذهبت للنوم.

الساعه 12 ليلا

قمت وقرات سوره الشرح 313 مره مع الدعاء في كل 10 مرات وهذه للجلب العام

والخاص اذا عندك شخص معين طبعا هذا كان الخميس.

والله انه اول مره من فتره طويله انام نوم عميق بدون كوابيس ولا انقطاع في النوم،

والي ادهشني انه في ناس كثير رجعو ظهروا في حياتي يوم الجمعه من صديقات قديمات

يسالوني عن حالي.

اليوم الثاني الجمعه

سلكت نفس البرنامج من الصبح لحد بالليل بدون قراءه سوره الشرح على اساس تقراينها

بس كل ليله جمعه ، بس بديت احس انه متضايقه وابكي ونفسيتي مش حلوه وانا عارفه انه القرين

بيحاول يخليني ما  اكمل العلاج.

المهم انا بكمل واليوم رابع يوم من العلاج وراح استمر لحد اخر يوم وكل خميس راح اقرا سورة الشرح

لجلب الزوج راح اوافيكم بأي مستجدات واستقبل استفساراتكم.

ولكم مني جزيل الشكر للمنتدى والقائمين فيه والدكتور علاء حفظه الله من كل شر

الي جالس يسويه فينا ووقته الي فعلا مخصصه للمساعده وفي ميزان حسناته يا رب

وادعولي يكون شفائي قريب لاني فعلا تعبت جدا.