كيفية عمل المكس جريل.

كيفية عمل المكس جريل " المشويات المشكلة بشكل مفصل" .




الكمية تكفي: 6 أشخاص

وقت التحضير: 10 دقائق

وقت الطهي: 60 دقيقة

المقادير

نصف كيلو كبدة نصف كيلو لحم شرائح نصف كيلو لحم مقطع مكعبات

متوسطة الحجم فى حجم حبة عين الجمل نصف كيلو مفروم للكفتة

خمس بصلات مقطعة أرباع طماطم مقطعة أرباع فلفل أخضر مقطع

أرباع شرائح جزر سميكة لية خروف مقادير التتبيلة 2 بصلة

فصين توم 2 طماطم مكعب مرقة ملح _فلفل بهارات لحمة رشة

جوزة الطيب حبهان مطحون ورقتين لورى معلقتين زبدة أو سمنة

التحضير: يتم خلط كل مكونات التتبيلة فى الخلاط حتى يمتزجو

ويمكن اضافة القليل من الماء حتى تدور المكونات لأنها صلبة

تضاف التتبيلة للحوم والكبدة وتنقع لمدة يوم لأفضل نتيجة


الطبخ الشيش كباب

يتم نقع الاسياخ الخشب فى ماء ساخن قبل البدء حتى لا تحترق

ونضع أولا بصل ثم الطماطم ثم الفلفل الاخضر والجزر ثم قطعة

لحم عشان تناسق الالوان وهكذا حتى ينتهى السيخ مع مراعاة ترك

مسافة فارغة من الطرفين ولوحبيتى تحطى قطعة لية

فى نهاية السيخ مع الشوى طعمها تحفة


بعد كدة نيجى للكفتة

بتخلطى اللحمة المفرومة مع بصلة مع قطعة لية أد بصلة كبيرة

وملح فلفل وبهارات فى الكبة وبعدين تصبعيها على الاسياخ

دلوقتى بأه ابدأى فى الشوى لو عندك شواية جريل على النار

تنفع ولوشواية فحم أكيد أحس وأحسن

وده شكل الجريل اللى استخدمته بيطلع اللحمة عليها خطوط الشوى

باينة زى الجاهزة بس تدهنيها شوية زيت صغيرين بايدك

وبعد ما تخلصى الشوى بتحطى المشويات بتاعتك فى صينية

وتغطيها بالفويل وتدخليها الفرن نص ساعة

على درجة حرارة عالية عشان تكمل تسوية

وبعد الشوى ما خلص ترصى مشوياتك على البقدونس وتقدميه

مع أرز بالخلطة أو أرز أبيض أو تعملى سلطة طحينة وتقدميه مع العيش


ملاحظات


أولا لازم تعملى التتبيلة وتنقعى اللحمة فيها قبلها بيوم

وده بالنسبة للشيش كباب والكبدة واللحمة الشرائح