أبليـــــس و المـــرأة.

أبليـــــس والمـــرأة "طبعا لازم النساء تكسب"

كان يا ما كان في قديم الزمان ………كان فيه أمراة عجوز قاعدة لحالها

وفجأة طلعلها ابليس ……… العجوز خافت وسمت بالرحمن

قالها ابليس: أنتي يا عجوز هل تعتبرين نفسك داهيه؟؟؟؟

العجوز: نعم أنا داهيه ……….. والنساء عموما كيدهم عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز برهان.

O.k.: أبليس

راحت العجوز لواحد من هالبطاليه اللي ما عندهم شغل وما اكثرهم

وقالت أنا بشغلك عندي فترة معينه بس……. اذا بدك فلوس لا تتدخل

ولا تتكلم وافق الشاب لأنه طفش من البطاله و بدو فلوس

راحت العجوز ومعاها الشاب لمحل قماش وقالت له أنتظرني عند باب المحل

دخلت المحل واخذت قماش غالي وراحت تفاصل تاجر القماش

العجوز: رخص يا بن الحلال …

التاجر :اذا أنتي ما عندك فلوس خذي شيء أرخص

العجوز : ما أقدر ….لازم ولا يصير شي ء ما صار

التاجر :ليش ؟؟ …..لهالدرجه …..شو القصة؟؟

العجوز:شفت الشاب اللي واقف عند باب المحل ...

هذا ولدي ...يحب وحده متزوجه وهي تحبه ولما تتطلق من زوجها …

ولدي رح يتزوجها وهو قالي أن عارضتي الزواج رح أطردك من البيت

وأمرني أني أشتري قماش غالي عشان يعطيها لحبيبته ولا راح يطردني من البيت

مع أن البيت بالأساس بيتي ولكني غلطت وكتبته بأسمه 'لعجوز تبكي '

التاجر: خلاص هونيها وتهون والله كسرتي خاطري ….خلاص أنا رح أعطيك القماش

ببلاش….وعسى الله يأجرني

العجوز طلعت مبسوطه وحكت للشب روح البيت

بعدها راحت العجوز لبيت زوجة تاجر القماش ودقت الباب وطلعت الزوجة

العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق ..

رحبت الزوجة ودخلتها وأكرمتها وجابتلها شاي

العجوز: شكرا ان شاء الله أردها لك (تعمدت تنسى القماش ) وطلعت.

الزوجة: حرام نست قطعة القماش …أكيد رح ترجع بعد شوي وتاخذها

و حطتها بالخزانة..

تاجر القماش رجع لبيته وتغدى غدا صح وراح كوع (نام).

قام العصر وفتح الخزانة عشان يغير أواعيه ……مفاجأة قطعة القماش

وعرف أن المرأة اللي بدو اياها ابن العجوز هي زوجته يعني تخونه

قام عليها وضربها وطردها بالشارع بالأواعي اللي عليها.

العجوز كانت تنتظر هاللحظه في أخر الشارع فراحت لها تركض

العجوز: مالك يا بنتيليش تبكي؟؟؟

الزوجه : زوجي طردني …وما عطاني فرصه أتكلم .

العجوز: خلاص أنابوديكي على بيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان

في غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطه وقبضت على الشاب والزوجه ….وحطوهم بالسجن.

العجوز: ها ها شو رايك يا أبليس ؟؟

دورك هلأ حل المشكله

أبليس : لا لا ما أقدر أحلها القصة صعبت كتير

العجوز: أنا راح أحلها وكأن شيء لم يكن . وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة

وأناهلأرح أساعدك …..يلا ألبسي عباتي وغطي حالك وأطلعي من السجن

كأنك أنا وأنا بأقعد مكانك.

الزوجة:شكرا….بس أنتي ؟؟؟

العجوز: مالك دخل مثل ما طلعتك بطلع نفسي.


تمت عملية الهروب بنجاح

الوالي أمر الحراس ان يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم شو مسوين؟؟

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يحكو

ويقول:غلطانين وبدكم تحكو، والله عينكم قوية

طلعت العجوز من الوالي فرحانه واعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله

وأكرمتها وهي من كثر التعب نسيت القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها كمان.


العجوز : شو رايك يا أبليس أنا حليت قصة سهله

ابليس : لا اله الا الله

قوله عز وجل عن الشيطان


(إِنَّ كَيْدَ الشَّيْطَانِ كَانَ ضَعِيفًا)


"ويتساءلون: "هل المرأة أشد كيدًا من الشيطان ؟".

هنا أيضا ينبغي علينا العودة إلى تفسير الآية 76 من سورة النساء

قوله تعالى


(الَّذِينَ آمَنُوا يُقَاتِلُونَ فِي سَبِيلِ اللَّهِ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ

فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفًا)

ومن سورة يوسف قوله تعالى


(فَلَمَّا رَأَى قَمِيصَهُ قُدَّ مِنْ دُبُرٍ قَالَ إِنَّهُ مِنْ كَيْدِكُنَّ إِنَّ كَيْدَكُنَّ عَظِيمٌ)