حلمت باني بغرفه الضيف وجائني اتصال بانو حيجيني خطاب ما خبرت اهلي انتظرت لحتى رتبت كل الغرفه وطلعت خبرت اهلي ودخلت غرفتي وكانو خواتي حاطين كل اكسسوارتي فانتبهت ع خاتم شخص احبه اهداني اياه وكان مقسوم لنصفين صرت اصرخ فيهم لانو خرب .كانت صديقتي موجودة اسمها / الاء/ مع انو ما بحكي معها كتير بس كانت موجوده بالحلم .رحت غرفه الوالده اجهز حالي لان الخطاب جايين جهزت فستان حطيتو ع الارض بس ما كان مكوي كان مجعد كتير .حطيت بودرة ع وجهي بس كانت كميه كتير كبيرة فاستغربت .كانت بنت اختي موجوده صفيرة .سالتها ع شو بتطلعي قالتلي ع القردة .شوي الا سني من الجهة السفلي عمال بتحرك وشوي الا نزل وبعدها كمان طاحونة طلعت من مكانها وكمان سن نزل حطيتهم بايدي .اخوي كان موجود ع التخت .مابعرف كيف صار وعرفت بس كانت ازا برفض العريس سناني حيرجعو مكانهم .كان في جنيه بالغرفه .قررت ارفض لحتى يرجعو سناني مع انو اخوي قاللي لاءء ما توافقي .شوي والا سناني قربو شوي مني وركبو بس ما كانو مزبوطين .حسيت بالجنية رفعتني وقلتلها مش زابطين اسناني مش صح .رفعتني لفوق المراي لعند الحيط وقالتلي رح تروحي لحبيبك وحسيت بدها تدخلني جوا السقف وصرخت كتير وصحيت من النوم ..
انا كنت اعاني من السحر عدم زواج من اشهر شفيت الحمد لله بقرا الازكار وادعيه وقران ويس كل يوم والبقرة كل يوم بقيام الليل بنية الزواج فاحلام مزعجه بطلت احلم الا الصبح وقليل جدا .وهاي الحلمة حلمتها 7 ونص الصبح ..
ارجووكم بحاجه للتفسير لاعرف انا فيني شي ولا بحاجه لعلاج ولا انا منيحه .قبل لانام بطلب من الله دايما احلم بشي ليساعدني.وحلمت بهالحلم .واسفه ع الاطاله ..