بمناسبة نجاحك يا حبيبتى.

ياني فرحت بنجـــاحك .... بعـد مجهودك .........وأستر قلبي يابنتي وأنشرح صـدري





من شفت أنا البسمة اللي غطت أخدودك .........قلت ألف مبروك لي بك يا بعد عمري



أوفيتي بكلمتك لي ... بصــادق أعهودك .........يا من بجــدك رفعتي راسي وقــدري



ومن ضجت الصالة إللي سرها وجودك .........يوم التخـرج وكنـي وسطكــم وأدري



تمشين ومن الفــرح بيدينــك ورودك .........فرحانة ٍ بك ولكن... ما هي بكثـــري



يانجمة الصــالة ... إللي خلت شهودك .........تشهــد بفعلك وزينــــك دون ما تدري



شفتي يابنتي بعد هــا الجهــد مردودك .........وشفتينا كيف أنتريــا فرحتـــك بدري



يا مطفيـه نـار حقــد... الغيــر ببـرودك .........حبك بقلبي وقلب أمك ترى حصــري



نحب فيك الخيــال وعرفـك أحــــدودك .........ونحب فيك النضوج الواسع الفكـري



يا شمعـة البيت من أول ما درز عودك .........لمعوذات أنقرت لك... سر ٍ أو جهـري



ومادام نلتي يا نـور العيـن مقصــودك .........واجب علينــا نصلي ركعة الشكـــري